MEDRESE.KZ Жаңалықтар Ұлық кәсіптің иесі-ұстаздарға мың алғыс!

Ұлық кәсіптің иесі-ұстаздарға мың алғыс!

Елімізде қазанның алғашқы жексенбісі – Мұғалімдер күні. Олай болса бүгінгі күн ұстаздар қауымының төл мерекесі.

Ұстаз – ұлағатты есім. Шәкірттерін білім нәрімен сусындатып, адамгершілік рухпен тәлім-тәрбие беріп, жақсы қасиеттерді бойына дарытуда ұстаздың еңбегі зор. Олай дейтініміз, ел билеген парасатты патшаның да, дүлдүл ақынның да, ержүрек батырдың да өз ұстазы болғаны анық.

Қазақтың қайсар ұлы, халық қаһарманы Бауыржан Момышұлы: «Ұстаздық – ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді. Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз» — деп ұстаздардың орнын қолмен қойғандай етіп, анық көрсетіп кеткен.

Міне, сондықтан да елімізде ұстаздар күні қарсаңында мұғалімдерге құрмет көрсетіп, үздіктерін марапаттау дәстүрге айналған. Биыл да жер-жерде арнайы шаралар ұйымдастырылып, ұстаздар қауымы қошеметке бөленді.

Бүгін, екі мың он тоғызыншы жылдың қазан айының алтыншы жұлдызы күні Сарыағаш медресе колледжінде де «Ұлық кәсіптің иесі-ұстаздарға мың алғыс!» атты  іс-шара тойланып өтті. Колледж директоры алғашқы сөзді өзі алып, ұстаздарды мерекесімен құттықтаса, өз кезегінде сөз сөйлеген ұстаздар ұйымдастыру алқасы мен шәкірттерге өз алғыстарын білдіріп жатты.

Мерекелік кеш соңы  студенттердің дайындаған концерттік бағдарламасымен  жалғасын тапты. Білім алушылар ұстаздарға арнаған ізгі тілектерін білдіріп, мерекелік көңіл-күй сыйлады.

Related Post

ХАЛЫҚАРАЛЫҚ ӨНЕР БӘЙГЕСІНЕН БІРІНШІ ОРЫНХАЛЫҚАРАЛЫҚ ӨНЕР БӘЙГЕСІНЕН БІРІНШІ ОРЫН

Ел астанасы Нұр-Сұлтанда «ALASH STAR» халықаралық өнер байқауы өтті. Өнер бәйгесінде «Сарыағаш» медресе-колледжінің студенті Нұрбол Қасымов та өз бағын сынады. Қазылар алқасы мен көрермендерді таң қалдырған шәкіртіміз «көркем сөз» номинациясы

Колледжде республикалық семинар болып өттіКолледжде республикалық семинар болып өтті

Колледжiмiзде сәуiр айының 21-22 аралығында «ӘДІСТЕМЕЛІК ҚҰРАЛДАР МЕН НҰСҚАУЛЫҚТАР» тақырыбында республикалық семинар өткізілді. Колледж директоры Сманов Дінмұхаммед Абдужаппарұлы семинарға қатысушыларға өз алғысын білдіріп, іс-шараны ашып берді. Семинардың негізгі мақсаты білім