MEDRESE.KZ Жаңалықтар Ұрлық және тонаушылық

Ұрлық, тонаушылық – өзгенің мүлкін, ақшасын ұрлау, рұқсатсыз алу, күштеп тартып алу, өзгенің меншігін ақысыз (әділетсіз) түрде өз иелігіне өткізу деген сөз. Рұқсатсыз алынған және ұрланған нәрселер арзымаған нәрсе болса да, үкімдері бір және харам болып табылады. Ұрлық жасау  үлкен күнәлардың бірі. Еркектерден де, әйелдерден де, бұл күнәға тұтылған адамдар өте көп. Сондықтан ұрлықтың не екенін біліп, одан сақтану керек. Ниса сүресінің 29-аятында: «Ей иман еткендер, бір-бірлеріңнің меншіктеріңді араларыңда бұрыс жолмен жемеңдер. Яғни Исламның харам еткен пайыз, құмар, ұрлық және күштеп тартып алу секілді бұрыс жолдарымен жемеңдер. Тек қана бір-бірлеріңнен разы болатын түрде болсын, сауда жолымен болсын» делінген.

Өтірік айту, өсек айту, ғайбат ету, жала жабу, ұрлық, айла, қиянат ету, адамдарды ренжіту, фитна шығару, өзгенің затын рұқсатсыз қолдану, жұмысшының, жүк тасушының бейнетақыларын бермеу күнә болады. Бұларды мұсылман болмаған адамға да, мұсылман емес мемлекетте де жасау күнә болады. Ғибадаттардың қабыл болуы үшін ұрлық, айла (саудада қулық) және қиянат секілді күнәлардан тыйылу керек.

Ұрлық үлкен күнәлардан болуымен қатар, басқа да үлкен күнәларға да жол ашуы мүмкін. Мәселен адам өлтіруге, мал-мүлкінің ұрлануымен шарасыз, ғаріп жағдайға түскен адамның дінінің, дүниесінің зиянға ұшырауына т.б. Ұрланбағанда ол мал-мүліктің қайырлы істерге жұмсалатын болуы, яғни ұрлап бұған кедергі болу күнәны одан да арттыра түседі. Мәселен қайырымдылық қорларының ақшаларын ұрлау бұл күнәны арттыра түседі.

Мұқтаж, шарасыз қалған адам да ұрлыққа, тонаушылыққа ұрынбауы тиіс. Жұмыс тауып, еңбек етіп, халал жолмен табыс табуы керек. Қажеттілігін қамтамасыз ететіндей мөлшерде қарыз алу керек. Қайтарып беру ниетімен қарыз сұраған адамға қарызын қайтаруға Аллаһ  тағала көмектеседі.

Related Post

«СТУДЕНТТІК ЛИГА» ЖАРЫСЫ АЯҚТАЛДЫ«СТУДЕНТТІК ЛИГА» ЖАРЫСЫ АЯҚТАЛДЫ

Сарыағашта ел тәуелсіздігінің 30 жылдығына орай спорттық жарыс түрлерінен сайыстар өтті. Жарысқа жалпы Сарыағаш ауданынан 6 команда қатысып бақтарын сынады. Мақсат — жастар арасында салауатты өмір сүру салтын насихаттау, аудан

Мемлекеттік емтихан тапсырдыМемлекеттік емтихан тапсырды

Алланың Елшісіне (Оған Алланың игілігі мен сәлем болсын) ең алғаш түскен: «Оқы! Сені жаратқан Раббыңның атымен оқы!», – деп басталатын «Алақ» сүресінің алғашқы аяттары еді. Яғни, Жаратқан Иенің атымен оқу,

Әр бір істе бір қайыр барӘр бір істе бір қайыр бар

Ертеде Африкадағы бір аймаққа билік жүргізген бір патша болыпты. Патша кішкене кезінен бірге өскен құрбы досын ешқашан қасынап тастамай алып жүретін. Сол досының ешкімге ұқсамайтын бір мінезі бар еді. Өзінің