Сарыағаш медресе колледжі және Жарты-төбе ауыл әкімшілігімен бірлесіп «Үлкенге құрмет кішіге ізет» атты қайырымдылық шарасын ұйымдастырды. Аталған игі істің аясында медресе колледж шәкірттері ардагерлер және ауыл қарттарының үйіне барып,қолдан келгенше ауланың тазалық жұмыстарына жұмыла атсалысып, қариялардың ақ батасын алды. Сондай-ақ, бір реттік азық-түлікпен қамтамасыз етті. Жастарымызды игі іске тәрбиелейтін осындай ізгі бастамалар көбейе берсін!
Бауырлас елдің имамдары Сарыағашқа табан тіреген бойда, алдымен медресе колледжге ат басын бұрды. Шəкірттермен жүздесіп, дін турасында сұхбаттасты. Колледж ғимаратын аралап көрді. Мешіт құрылысымен де танысты.
Сарыағаш медресе колледжінің директоры Д.Сманов 10.02.2022ж күні колледж қызметкерлері мен шәкірттердің денсаулығын сақтау және елдегі пандемияның алдын алу мәселелері бойынша колледж мед қызметкерлерімен жиын өткізді.
