MEDRESE.KZ Жаңалықтар Сарыағаш медресе колледжіне Германиядан мейман келді

Сарыағаш медресе колледжіне Германиядан мейман келді

Екхарт Хортсман Сарыағаш медресе  колледжіне арнайы ат басын бұрды. Оны еліміздің діни білім беру жүйесі қызықтырады екен. Колледж ұстаздарымен сұхбаттасып, мемлекеттік грант бөлу жағы мен медреседен басқа қандай мамандықты меңгеруге болатыны жайлы сұрады.

Бұрын тек қана Сарыағаш медресесі болып келген оқу ордасы екі жылдан бері колледж мәртебесіне ие. Мұнда қазір сегіз  жүздей студент бар. Биыл мемлекеттен елу орындық грант бөлінген. Оларға шəкіртақы да тағайындалған. Ал қалған  білімгер колледж есебінен оқуда. Яғни, мұнда сабақ та, тамақ та, жатар орын да тегін. Колледж түлектеріне тек қана имам немесе молда болып қызмет етуі шарт емес. Əрі қарай жоғары оқу орындарында білімін жетілдіріп, мемлекеттік органдар да қалаған мамандығы бойынша жұмыс істейтін болады. Сарыағаш медресе-колледжінің міндеті діни діңгегі мықты буын тəрбиелеп беру.

Екхарт Хортсман   жуырда Кёльнде Түркия Президенті Реджеп Тайып Ердоғанның қатысуымен ашылған мешіт жайында айтты.
Ашылу салтанатында Германия канцлері Ангела Меркельдің өз елінде мейлі мұсылман, не христиан немесе басқа да конфессия өкілдерінің тең құқықты екенін атап өтіпті. Бұл да болса, жергілікті мұсылмандарға тəп-тəуір демеу болғанын тілге тиек етті.

Сондай германиялық қонақ өзі туып-өскен ауылда мұсылмандармен көрші тұрғанын, ол жерде мешіт және медресе болғанын əңгімелеп берді. Кейін ол мұсылман отбасылар басқа қалаға көшіп кеткен соң, мешіттің де, медресенің жабылып қалғанын қынжылыспен жеткізді.

Қашаннан тазалықты сүйетін неміс мейман Сарыағаш медресе-колледжінің тəртібі мен тазалығына дəн риза боп кетті.

Мөлдір Нұрман

Related Post

⚜️БАС МҮФТИ ПАЛЕСТИНА ЕЛШІЛІГІНЕ КӨҢІЛ АЙТТЫ⚜️БАС МҮФТИ ПАЛЕСТИНА ЕЛШІЛІГІНЕ КӨҢІЛ АЙТТЫ

🔰Бүгін Қазақстан мұсылмандары діни басқармасының төрағасы Наурызбай қажы Тағанұлы Палестинаның еліміздегі елшілігіне арнайы барып, мұсылман мемлекетіндегі ауыр жағдайға байланысты көңіл айтты. 🔰Бас мүфти Палестинаның Қазақстандағы Төтенше және Өкілетті Елшісі Монтасер

⚜️БАС МҮФТИ САРЫАҒАШТА ӨТКЕН МӘУЛІТ КЕШІНЕ ҚАТЫСТЫ⚜️БАС МҮФТИ САРЫАҒАШТА ӨТКЕН МӘУЛІТ КЕШІНЕ ҚАТЫСТЫ

🔰Бүгін Түркістан облысына жұмыс сапары аясында Қазақстан мұсылмандары діни басқармасының төрағасы Наурызбай қажы Тағанұлы «Сарыағаш» медресе-колледжінің ұйымдастыруымен өткен Мәуліт кешіне қатысты. 🔰Мәуліт кешінде Бас мүфти жамағатқа ізгі ниетін жеткізіп, насихат